Pennagam

Kagel doh ji’e, amang thei poi

Itih le nadung sun tangem?

Vacha tin le lhaang tin

Na tongso abang ahijing nadem?

Toidon kajetna Ling le Zei

Luigaal Nungtek gamjaang a

Khannou golcheng chamlenna

Kasengol Ningthuingam, Apulaona, Thuireingam

Senlai golcheng kilaam nam?

Kalha ngai’e Lukhambi gam

Chun le Jo maolei lhona lhang

Agam muchi eng jin jen

Kolbu Changmai gamthei neng jin jen

Gamsa sakhi vaapal sagol kibol nom

Lhang chung vuma naume

Songphel le Khaochangbung

Lhanglep kingahna Sangah Lambung

Simlai kibolna Longmai Noney lhang

Jilcheng kititna Tengkonjang le Ashram

Somai akime 41

Kailhang munpi nachange

Phaipi jona icheteng, O! Marangching

Avah emsel nachungkhu

Kumthah kumhei kilaamna

Ngaicheng nunnop golnop zalenna

Noney Town Baptist Church

Lamtin lamlhung achaam jing

Tuidung vaidung amangpoi

Lungmit in miltih aneipoi

Abang nahijing nadem na tongso

Ole na vouso kikhel tantem o?

Khatvei beh nadung sunkit kanome

Mil chultheilou, Pennagam !